2011-05-13

الليل و آخره



يا بوى عالليل و آخره لما بتصحى جروحى
حمل و ما قادرش أتاخره عنى و هتوج روحى
زحام أوهام مالينى
بأدعى اللهم لينى
يا همومى و هملينى
و بدال ما أدادى روحى
..........


ليلاتى فى الميعاد ده
ينعاد عمرى اللى عدى
و ألقى الماضى اللى عدى
عالحاضر يستعدى
و الحزن فى قلبى ناخره
و الريح محفوق سطوحى



.........



بأدعى لله تعالى يطفى شوقى و حنينى
يا فجر يا جاى تعالى زيح حمل تقيل حانينى
ليضيع كنزى اللى داخره
و نوحى يا روحى نوحى




-----------------------------------------------------------------------------------------------------------------------

عالليل و آخره يا ولداه
و إيش بعد نوح المواويل ده
الليل طويل أوى يا ولداه
و اللى هواه كان أوله تاه

عالليل و آخره الخطى يا آبا
تايهة و راكبنا الخطا يا آبا
ريحنا الطياب زادنا طيابة
جرّحنا روحنا و ما طيابة
لجروحنا يا آبا و عمرنا تاه

...............

اتحش روحنا و حشانا
يا وشوش يا غالية و حشانا
حشاكى تنسى و حشانا
ده أنا لا شين و لا وحش أنا

ليست هناك تعليقات:

إرسال تعليق