المال والبنون
قالو زمان دنيا دنية غرورة
قلنا واللي تغره يختار مصيره
قالو الشيطان قادر وله ألف صورة
قلنا ما يقدر عللي خيره لغيره
---------------------
إيه معنى دنيتنا وساير حياتنا
إذا بعنا فطرتنا البريئة الرقيقة
وإزاي نبص لروحنا جوة مرايتنا
إذا أحنا عيشنا هربانين م الحقيقة
-------------------
المال تجيبه الريح وتاخده الهوايل
أما البنون يوم الحساب بيفوتونا
مال إيه ؟؟؟ ده لو كان مال قارون كله زايل
ولا غير عمايل الخير يا هووه ينجدونا
--------------------
ومنين نكون إذا بعنا يومنا وماضينا
وليه نعيش إذا كانش بكرة يقاضينا
وإزاي ننام من غير ما نحلم ببكرة
وبكرة ده منين يجي إلا بإيدينا
ليست هناك تعليقات:
إرسال تعليق